Nur-Sultan qalasynyń №2 arnaiy mektebiniń balalary bilim berý oshaǵynyń aýlasynda aǵash kóshetterin otyrǵyzdy, dep habarlaidy "Ult aqparat" ECO NEWS Telegram kanalyna silteme jasap.
Is-shara «Týǵan jer» ekologiialyq qozǵalysynyń «Ár balaǵa – óz aǵashy» jobasy aiasynda jáne Memleket basshysynyń eldi jasyldandyrý tapsyrmasy negizinde uiymdastyryldy.
«Biz balalarmen birge tek kóshet otyrǵyzýdy emes, ony ósirýdi de úirendik. Búgin qondyryp jatqan kóshetterimiz ózimizdiń tálimbaqta ósken shaǵan, emen aǵashtary. Negizi kóbine qysta qustardy azyqtandyrýǵa bolatyn alma, almurt, dolana, moiyl egýge tyrysamyz», - dedi «Týǵan jer» ekologiialyq balalar qozǵalysynyń jetekshisi Tatiana Korshýnova.
Jalpy ekologiialyq jobaǵa 15 orta jáne korrektsiialyq mektepterden 300-ge jýyq oqýshy jumyldyrylǵan.
Ár qalanyń bilim berý oshaqtary kóshet egýdi bir-birine dástúrli túrde estafeta retinde joldaidy.
«Ekologiialyq mádeniet bizdi biriktirýshi faktor bolýy kerek dep oilaimyn. Qorshaǵan ortany jasyldandyrýǵa áleýmettik statýsyna, densaýlyǵyna qaramastan ár bala úles qosa alady», - dep esepteidi T. Korshýnova.
Keler kóktemde balalar baqsha jáne bólme gúlderin otyrǵyzbaq.
Eske salsaq, Memleket basshysy 1 qyrkúiektegi Joldaýynda aldaǵy 5 jylda orman alqaptarynda 2 mlrd, eldi mekenderde 15 mln aǵash otyrǵyzýǵa tapsyrma bergen.
