Aqordada ótken Úkimettiń keńeitilgen otyrysynda Prezident Nursultan Nazarbaev QR Bas prokýrory Jaqyp Asanovtyń jumysyn joǵary baǵalady, dep habarlaidy "Ult aqparat" BNews.kz-ke silteme jasap.
«Búgin aitylǵandardy halyqqa jetkizip, «Mineki, memlekettiń jaǵdaiy osyndai, kúsh-qýaty mynadai» dep túsindiretin bolsaq, halyqtyń rizashylyǵyna ie bolamyz. Jalpy, barlyq másele túsindirýge kelip tireledi. Prokýrordyń sheshimimen (QR Bas prokýrory Jaqyp Asanov – avtor eskertpesi) oblystarǵa baryp, bolyp jatqan ahýaldy, terroristerge qatysty jaǵdaidy túsindirgen kezde, barlyǵy «osy eken ǵoi» dep shalqasynan túsedi. Óte jaqsy jumys istep jatsyń. Osyny ári qarai jalǵastyrý kerek», - dedi Prezident.
Memleket basshysy otyrysty qorytyndylai kele, alda úlken jumys kútip turǵanyn taǵy da atap ótti.
«Búgin tapsyrmalar berdim. Búgin-erteń Úkimettiń quramy jasaqtalyp, taǵaiyndalyp, jumysqa kirisetin bolady. Birigip, elimizge, halqymyzǵa jumys isteiik. Sáttilik tileimin», - dedi N.Nazarbaev.
Aita keteiik, búgin Aqordada Memleket basshysy Nursultan Nazarbaevtyń tóraǵalyǵymen Úkimettiń keńeitilgen otyrysy ótti. Jiynda biylǵy jyldyń 8 aiyndaǵy eldiń áleýmettik-ekonomikalyq damýynyń qorytyndysy shyǵarylyp, aldaǵy ýaqyttaǵy mańyzdy maqsat-mindetter aiqyndaldy.
.jpeg)