Memleket basshysy Aziia chempionatynda jeńiske jetken boksshy qyzdardy quttyqtady. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
Memleket basshysy Dýbaida ótken bokstan Aziia chempionatynda júldeger atanǵan boksshy arýlarymyzdy quttyqtady.
«Qurlyqtyń eń myqty sportshylary jinalǵan bairaqty báigede Qazaqstannyń qyzdar quramasy el mereiin asqaqtatty. Olar qorjynymyzǵa 10 júlde, sonyń ishinde 8 altyn medal saldy. Osy tarihi jeńisterińizdi Táýelsizdigimizdiń 30 jyldyǵyna jasalǵan tamasha tartý dep sanaimyn», – delingen quttyqtaýda.
Prezident boksshy qyzdarymyzdyń aldaǵy saiystarda da biik tuǵyrdan kórine beretinine senim artyp, tolaǵai tabys tiledi.
Eske salsaq, bokstan Birikken Arab ámirliginiń Dýbai qalasynda ótken Aziia birinshiliginde Qazaqstan qyzdar quramasy on salmaqtyń segizinde altyn, bir-birden kúmis pen qola medal alyp komandalyq esepte chempion bolǵan edi.
