Foto: Akorda.kz
Memleket basshysy qarapaiym aýyl turǵynynyń turmys-tirshiligimen tanysý úshin jeke qosalqy sharýashylyǵyn júrgizip otyrǵan Qostóbe aýyly turǵynynyń úiine bardy, dep habarlaidy "Ult aqparat" Aqordanyń baspasóz qyzmetine silteme jasap.
Aýyl turǵyny Salamat Rahmanberdiev 2020 jyly «Aýyl amanaty» baǵdarlamasy aiasynda 2,5 paiyzben 3,6 million teńge nesie alyp, 6 bas múiizdi iri qara, 3 bas jylqy, 10 bas qoi satyp alǵan. Kásipker mal bordaqylap satýmen ainalysady. Qazir tól basyn arttyryp, tapqan tabysyna júk kóligin satyp alǵan. Ol óz nápaqasyn tabýmen qatar, aýyldyń eki turǵynyn jumyspen qamtyp otyr.
Salamat Rahmanberdiev aldaǵy ýaqytta jem satatyn dúken ashyp, mal basyn kóbeitý úshin taǵy da jeńildikpen 10 million teńge kredit alýǵa niettenip otyrǵanyn jetkizdi.
Memleket basshysy eńbekqor jigittiń kásibine tabys tilep, óz atynan dánýatqysh apparatyn syiǵa tartty.
