QR Prezidenti Qasym-Jomart Toqaevtyń Atyraý oblysynyń áleýmettik-ekonomikalyq damý máseleleri jónindegi keńeste óńirdi damytýǵa qatysty 7 mindetti aiqyndap berdi, dep habarlaidy "Ult aqparat".
«Atyraý oblysynyń jaǵdaiy týraly barlyq baiandamalardy tyńdadyq. Aimaqty damytýǵa qatysty naqty maqsat-mindetterimiz bar. Indetten týyndaǵan qiyndyqqa qaramastan, el ekonomikasyn qalpyna keltirýge kúsh jumyldyrýymyz qajet. Qazir búkil álem damýdyń daǵdarystan keiingi kezeńine qadam basty. Biz osy úrdisten qalyp qoimaýymyz kerek. Sondyqtan, mynadai mindetterdi sheshýge basa mán bergen jón», - dedi onlain formatta ótken keńeste Qasym-Jomart Toqaev.
Birinshi - munai-gaz ónerkásibin damytý, ekinshi - avtojoldardy damytý, úshinshi - jumyspen qamtý, tórtinshi -densaýlyq saqtaý júiesin nyǵaitý, besinshi - óńirdi turaqty energiiamen qamtý, altynshy - óńirdi sýmen qamtamasyz etý.
«Jetinshisi – turǵyndardyń densaýlyǵy jáne ómir sapasy óńirdegi ekologiialyq jaǵdaiǵa bailanysty», - dedi Prezident.
