Aldaǵy 2 jyldyń ishinde Atyraý oblysynyń barlyq aýyl turǵyndary sapaly aýyz sýmen qamtamasyz etilýi tiis. Bul týraly búgin Atyraý oblysynyń áleýmettik-ekonomikalyq damý máseleleri jónindegi keńeste Memleket basshysy Qasym-Jomart Toqaev aitty, dep habarlaidy "Ult aqparat".
«Aýyldyq jerlerde sapaly aýyz sýǵa qoljetimdilikti qamtamasyz etýge qatysty problema áli kúnde deiin sheshilgen joq. Oblysta 30 aýyl nemese aýyldyq eldi mekenderdiń jalpy sanynyń 20 paiyzy tiisti sapadaǵy jáne tolyq kólemde aýyz sýmen qamtamasyz etilmegen», - dedi Qasym-Jomart Toqaev.
Memleket basshysynyń atap ótýinshe, biyl óńirde tek 7 aýyldy ǵana aýyz sýmen qamtamasyz etý josparlanyp otyr.
«Bul óte tómen qarqyn. Úkimetke óńir ákimdigimen birlesip, 2 jyldyń ishinde bul máseleni tolyqtai sheshýdi tapsyramyn», - dedi QR Prezidenti.
