Búgin Úkimettiń keńeitilgen otyrysynda Prezident Nursultan Nazarbaev elorda mańynda shujyq shyǵaratyn zamanaýi zaýyt salýdy tapsyrdy, dep habarlaidy QazAqparat.
«Astananyń tóńireginde shujyq shyǵaratyn sýperzaýyt salyńyzdar. Buǵan deiin osyndai tapsyrma berilgen bolatyn», - dedi Prezident.
Óz kezeginde Premer-Ministrdiń orynbasary - Aýyl sharýashylyǵy ministri Ómirzaq Shókeev bul zaýyt biyl salynatynyna ýáde berdi.
Budan bólek, Memleket basshysy importtalatyn azyq-túlik ónimderine qatysty syn aitty.
«Bizde azyq-túlik óniminiń importy el ishinde baǵanyń ósýine yqpal etedi. Biz aýyl sharýashylyǵy ónimderiniń barlyq túrin óndiremiz. Ishki suranysty qamtamasyz etý úshin árbir taýar boiynsha egjei-tegjeili jumystar júrgizý kerek. Óńdelgen etti syrttan tasymaldaý degen ne? Sútti Belarýs elinen jetkizip jatyr. Bizde joq ónimder tasymaldansa bolady, al elde bar ónimder nege qajetti deńgeide shyǵarylmaidy», - dedi Nursultan Nazarbaev.
