Foto: Akorda.kz
Prezident Qasym-Jomart Toqaev áskeri ushqyshtardyń jalaqysy ósetinin málimdedi, - dep habarlaidy "Últ aqparat" Aqordanyń baspasóz qyzmetine silteme jasap.
"Biyl áskeri ushqyshtardyń jalaqysy ortasha alǵanda 60 paiyzǵa ósedi. Osy saladaǵy oqytýshylar men dárigerlerdiń jalaqysy da kóbeiedi. Kelesi jyly áskeri ataq úshin tólenetin ailyq aqy 30 paiyzǵa artady.
Áskeri qyzmetshilerdi zeinetaqymen qamtý máselesi de qaita qaralýda. Serjanttardy, ofitserlerdi áleýmettik qoldaý jumysy jalǵasady. Olar turmysyna alańdamai, el qorǵaýǵa saqadai sai bolýy kerek", - dedi Memleket basshysy.
Aita keteiik, búgin Astanada Búkilarmiialyq keńes ótti. Oǵan Qorǵanys ministrligi, Ulttyq qaýipsizdik komitetiniń Shekara qyzmeti, Memlekettik kúzet qyzmeti, Ulttyq ulan jáne taǵy basqa áskeri qurylymdar qatysty.
Jiynda áskeri daiyndyq pen armiiany tehnologiialyq turǵyda jańǵyrtý máseleleri talqylandy.
