QR Prezidenti Qasym-Jomart Toqaev Qorǵanys ministri Nurlan Ermekbaevty qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa Qazaqstan Qarýly Kúshteriniń áskeri daiyndyq jaǵdaiy, sondai-aq, Arys qalasyn qalpyna keltirý jumystarynyń barysy týraly málimet berildi. Sonyń ishinde Qazaqstan Prezidentine qala aýmaǵyndaǵy oq-dári qaldyqtaryn izdeý, tazartý sharalary, sondai-aq, Arystaǵy áskeri qalashyqty qalpyna keltirý jumystary jóninde baiandaldy. Qorǵanys ministriniń aitýynsha, búginge deiin áskeri qoimalardan úsh myń tonnaǵa jýyq oq-dári qaýipsiz jerlerge shyǵarylǵan.
Qasym-Jomart Toqaev jarylys saldaryn joiý jáne oq-dárilerdi shyǵarý jumystarynyń ýaqtyly atqarylýyn qamtamasyz etýdi, sondai-aq, qaza bolǵandardy, qutqarý jáne qalpyna keltirý jumystary kezinde erekshe kózge túsken áskeri qyzmetshiler men tiisti qyzmet ókilderin marapattaýdy tapsyrdy.
Sonymen qatar, Memleket basshysyna kezeńderiniń bir bóligi Qazaqstan aýmaǵynda ótetin aldaǵy áskeri oiyndarǵa daiyndyq barysy týraly málimet berildi.
