QR Ulttyq qaýipsizdik komiteti, Bas prokýratýra áleýmettik jelilerdegi qoǵamdyq kóńil-kúige monitoring júrgizýi qajet. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy QazAqparat.
«Indet aiasynda etnosaralyq qarym-qatynas keiingi josparǵa syrylyp otyr. Biraq, bul aldamshy tynyshtyq qana. Kóktemgi egistik maýsymy bastalýyn eskersek, jer máselesine, sýaratyn sýdy bólý men paidalanýǵa bailanysty janjaldar oryn alýy yqtimal. Mundai alǵysharttardyń barlyǵyn jedel habarlap otyrýdy tapsyramyn», - dedi Qasym-Jomart Toqaev.
Osy rette Memleket basshysy QR Ulttyq qaýipsizdik komiteti, Bas prokýratýra, Aqparat jáne qoǵamdyq damý ministrligi áleýmettik jelilerdegi qoǵamdyq kóńil-kúige monitoring júrgizýdi qamtamasyz etýge tiisti ekendigin basa aitty.
