Prezident Qasym-Jomart Toqaev Aqtóbe oblysynyń ákimi Ońdasyn Orazalindi qabyldady, dep habarlaidy Aqorda.
Memleket basshysy Qasym-Jomart Toqaevqa Aqtóbe oblysynyń áleýmettik-ekonomikalyq damýy, óńirdegi epidemiologiialyq ahýal týraly baiandaldy.
Ońdasyn Orazalin aimaqty damytý josparymen tanystyrdy. Atap aitqanda, Aqtóbe oblysynyń batys óńirdi tolyqtai azyq-túlikpen qamtamsyz etý múmkindigin paidalana otyryp, mal azyǵyn daiyndaýdy arttyrý, sýarmaly jerlerdiń kólemin ulǵaitý, óndiriske jańa tehnologiialardy engizý kózdelgen. Oblys ákimi óńirdiń kólik-logistikalyq áleýetiniń joǵary ekenin atap ótip, aimaqqa investitsiia tartý josparymen bólisti.
Qasym-Jomart Toqaev Ońdasyn Orazalinge Aqtóbe oblysynda ekonomikalyq ósimdi qamtamasyz etýdi, halyqty tolǵandyrǵan áleýmettik máselelerdi udaiy nazarda ustap, ony retimen sheshýdi, «Jumyspen qamtýdyń jol kartasy» baǵdarlamasy aiasynda jumys oryndaryn kóptep ashýdy tapsyrdy.
