Qazaqstanda 2,8 million adam vaktsinalaýdyń tolyq kýrsyn aldy. Bul týraly Memleket basshysy elimizdegi koronavirýs indetine bailanysty epidemiologiialyq ahýal jóninde keńeste aitty, dep habarlaidy Aqordanyń baspasóz qyzmeti.
«Bizdiń eń ózekti maqsatymyz – virýstyń taralýyn toqtatý emes. Álemdik tájiribe munyń múmkin emes ekenin kórsetip otyr. Eń bastysy – asa aýyr naýqastardyń kóbeiýin boldyrmaý, adam ómirin saqtaý. Sondyqtan, onyń bir ǵana joly bar. Bul – jappai vaktsinatsiia, ekpe salý», - deidi Qasym-Jomart Toqaev.
Memleket basshysynyń aitýynsha, búginde immýndaý kýrsyn 2,8 million adam aiaqtady. Alaida jaqsy qarqynǵa qaramastan, óńirler bólinisinde jaǵdai birkelki emes.
