Memleket basshysy Qasym-Jomart Toqaev halyq jazýshysy Ábdijámil Nurpeiisovti qabyldap, «Qazaqstannyń Eńbek Eri» ataǵynyń «Altyn juldyz» airyqsha erekshelik belgisin tabystady. Bul týraly Aqordadan málim etti, dep habarlaidy "Ult aqparat".
Qazaqstan Prezidenti kórnekti jazýshynyń ulttyq ádebietimizdiń álemdik deńgeige kóterilýine qosqan eleýli úlesine toqtalyp, qazaq ádebietiniń abyzyn 95 jyldyq mereitoiy qarsańynda elimizdegi joǵary nagradamen marapattaǵanyn atap ótti.
«Siz halqymyzǵa kereksiz. Sondyqtan sizge zor densaýlyq, uzaq ǵumyr, shyǵarmashylyq tabys, baq-bereke tileimin», – dedi Qasym-Jomart Toqaev.
Ábdijámil Nurpeiisov Memleket basshysyna alǵys aityp, Táýelsiz Qazaqstandy órkendetý jolyndaǵy jumysyna tabys tiledi.
