QR Prezidentiniń baspasóz hatshysy Berik Ýálidiń aitýynsha, Memleket basshysy Qasym-Jomart Toqaev 4 qańtardan beri 120 saǵat boiy úzdiksiz jumys istep jatyr. Bul týraly ol «Habar 24» telearnasyna bergen suhbatynda aitty, dep habarlaidy QazAqparat tilshisi.
«Joǵaryda atap ótkenimdei, 4 qańtardan beri Memleket basshysy 120 saǵat Aqordada úzilissiz jumys istep jatyr. Prezident jumysynyń sońǵy aptadaǵy hronologiiasyna qarasaq, berilgen tasyrmalardyń bári, shyǵarǵan sheshimderi, ótkizgen jinalystary, tipti kúnniń jumys ýaqytyna bailanbai, úzdiksiz, túnniń bir ýaǵynda, tipti túngi saǵat 2.00-de Jarlyqqa qol qoiyp, tańǵy 7.00-de jinalys ótkizip jatyr. Kúshtik qurylymdardyń basshylaryn aýystyryp jatyr. Onyń bárine zań organdary, tergeý organdary baǵasyn bere jatar. Eń bastysy, Prezident osynyń bárin baǵamdap, memlekettiń basyna kún týǵan kezde opasyzdyqqa barǵandardy anyqtap alyp tapsyrma berdi dep oilaimyn», - dedi Memleket basshysynyń baspasóz hatshysy.
