قر پرەزيدەنتٸنٸڭ باسپاسٶز حاتشىسى بەرٸك ۋەليدٸڭ ايتۋىنشا, مەملەكەت باسشىسى قاسىم-جومارت توقاەۆ 4 قاڭتاردان بەرٸ 120 ساعات بويى ٷزدٸكسٸز جۇمىس ٸستەپ جاتىر. بۇل تۋرالى ول «حابار 24» تەلەارناسىنا بەرگەن سۇحباتىندا ايتتى, دەپ حابارلايدى قازاقپارات تٸلشٸسٸ.
«جوعارىدا اتاپ ٶتكەنٸمدەي, 4 قاڭتاردان بەرٸ مەملەكەت باسشىسى 120 ساعات اقوردادا ٷزٸلٸسسٸز جۇمىس ٸستەپ جاتىر. پرەزيدەنت جۇمىسىنىڭ سوڭعى اپتاداعى حرونولوگيياسىنا قاراساق, بەرٸلگەن تاسىرمالاردىڭ بەرٸ, شىعارعان شەشٸمدەرٸ, ٶتكٸزگەن جينالىستارى, تٸپتٸ كٷننٸڭ جۇمىس ۋاقىتىنا بايلانباي, ٷزدٸكسٸز, تٷننٸڭ بٸر ۋاعىندا, تٸپتٸ تٷنگٸ ساعات 2.00-دە جارلىققا قول قويىپ, تاڭعى 7.00-دە جينالىس ٶتكٸزٸپ جاتىر. كٷشتٸك قۇرىلىمداردىڭ باسشىلارىن اۋىستىرىپ جاتىر. ونىڭ بەرٸنە زاڭ ورگاندارى, تەرگەۋ ورگاندارى باعاسىن بەرە جاتار. ەڭ باستىسى, پرەزيدەنت وسىنىڭ بەرٸن باعامداپ, مەملەكەتتٸڭ باسىنا كٷن تۋعان كەزدە وپاسىزدىققا بارعانداردى انىقتاپ الىپ تاپسىرما بەردٸ دەپ ويلايمىن», - دەدٸ مەملەكەت باسشىسىنىڭ باسپاسٶز حاتشىسى.
