Oljas Bektenov. Foto:gov.kz
Amanat fraktsiiasy QR premer-ministri laýazymyna Oljas Bektenovtiń kandidatýrasyn usyndy, - dep habarlaidy «Ult aqparat».
Byltyr Bektenov Qazaqstan Prezidenti Ákimshiliginiń basshysy bolyp taǵaiyndaldy. Buǵan deiin ol Antikor basshysy qyzmetin atqaryp kelgen.
Eske salaiyq, 5 aqpanda Qazaqstan úkimeti otstavkaǵa ketken bolatyn. Memleket basshysy Qasym-Jomart Toqaev Qazaqstan Respýblikasynyń Úkimeti týraly qaýlyǵa qol qoidy.
"Qazaqstan Respýblikasy Úkimetiniń ornynan túsýi qabyldansyn. Qazaqstan Respýblikasy Premer-ministri mindetterin ýaqytsha atqarý Roman Vasilevich Skliarǵa júktelsin. Qazaqstan Respýblikasy Úkimetiniń músheleri Úkimettiń jańa quramy bekitilgenge deiin óz mindetterin atqarýdy jalǵastyra bersin", - delingen Qaýlyda.
