Úkimet basshysy Asqar Mamin Básekelestikti qorǵaý jáne damytý agenttigine jergilikti ákimdiktermen birlesip, kómir baǵasyn erekshe baqylaýǵa alýdy tapsyrdy. dep habarlaidy QazAqparat.
Úkimet otyrysyn qorytyndylaǵan Premer-Ministr áýeli Indýstriia jáne infraqurylymdyq damý ministrligine ákimdiktermen birlesip, qarapaiym halyq pen jylytý nysandary úshin otynnyń qajetti kólemin aldyn ala qamtamasyz etý jumysyn uiymdastyrýdy tapsyrdy.
«Óńirlerde halyqqa kómirdi satý máselesi boiynsha aqparattyq-túsindirý jumystaryn júrgizýdi tapsyramyn. Básekelestikti qorǵaý agenttigi ákimdiktermen birlesip, kómirdiń baǵasyn erekshe baqylaýǵa alsyn jáne halyq úshin kómir baǵasynyń negizsiz ósýine jol bermeý úshin sharalar qabyldasyn», - dedi Asqar Mamin.
Sondai-aq, ol Energetika, Indýstriia jáne infraqurylymydyq damý ministrlikterine jylytý nysandarynyń aldaǵy maýsymǵa daiyndyǵyn udaiy baqylaýdy tapsyrdy.
