Premer-Ministr Ókimimen Rýslan Sultanuly Jeldibai QR Premer-Ministri keńsesi basshysynyń orynbasary bolyp taǵaiyndaldy. Bul týraly Úkimet basshysynyń baspasóz qyzmeti habarlady.
Rýslan Jeldibai 1989 jyly Jambyl oblysynda týǵan. T. Rysqulov atyndaǵy Qazaq ekonomikalyq ýniversitetin, Ýorik ýniversitetin (Ulybritaniia) bitirgen. «Bolashaq» baǵdarlamasynyń túlegi.
Eńbek jolyn 2012 jyly «Qazaqstan» telearnasynda redaktor bolyp bastaǵan. 2012-2018 jj. – «Almaty» telearnasynda bólim basshysy, prodiýser.
2018-2019 jj. – QR Aqparat jáne kommýnikatsiialar komitetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń m.a., basshysy.
2019-2020 jj. – QR Aqparat jáne qoǵamdyq damý ministrliginiń Aqparat komiteti tóraǵasynyń orynbasary.
2020 jyldyń mamyr aiynan bastap qazirgi ýaqytqa deiin QR Prezidenti Ákimshiliginiń Ishki saiasat bólimi meńgerýshisiniń orynbasary boldy.
