QR Premer-Ministri Álihan Smaiylov Úkimet otyrysyn ótkizdi, otyrysta kedendik ákimshilendirýdi jetildirý máselesi qaraldy. QR qarjy ministri Erulan Jamaýbaev baiandama jasady, dep habarlaidy "Ult aqparat" primeminister.kz saityna silteme jasap.
QR Úkimetiniń basshysy Qytaimen aradaǵy kedendik statistika derekteriniń alshaqtyǵy sońǵy 4 jylda 20%-ǵa qysqarǵanyn atap ótti. Búginde Qarjy ministrligi 5 myńnan astam taýar pozitsiiasynyń qundyq indikatorlaryn qaita qarady.
QR Premer-Ministri Á. Smaiylov ýákiletti ekonomikalyq operatorlardyń qyzmetine qoiylatyn talaptardy zań júzinde kúsheitý máselesin qaraýdy tapsyrady.
Pandemiiaǵa bailanysty shekteýler saldarynan Qazaqstan-Qytai shekarasynda kólikter turyp qalǵan.
Ýaqytsha jabyq turǵan ótkizý pýnktteriniń jumysyn qalpyna keltirý maqsatynda qytai tarapymen biylǵy jylǵy 15-aqpannan bastap jumys istep turǵan «Nur Joly», «Baqty» jáne «Dostyq» ótkizý pýnktterinen bólek, «Maiqapshaǵai» ótkizý pýnktiniń jumysyn qalpyna keltirý týraly kelisimge qol jetkizildi.
Búginde elimizde kedendik ákimshilendirýdi tsifrlandyrý boiynsha aýqymdy jumys júrgizilýde. Qabyldanyp jatqan sharalar kedendik ákimshilendirý protsesin ońtailandyrýǵa, kedendik rásimder kezinde biznesti júrgizýdi jeńildetýge múmkindik beredi. Sonymen qatar biýdjetke kedendik tólemder men salyqtardyń tolyq tólenýin qamtamasyz etedi.
Á. Smaiylov «Astana-1» jáne «Biryńǵai tereze» aqparattyq júieleriniń sapaly jumys isteýin qamtamasyz etýdi tapsyrdy.
Búgingi kúni kedendik deklaratsiialardyń 100%-y qashyqtan tapsyrylady. 4 mln astam kedendik deklaratsiia shyǵaryldy, onyń 82%-y 1 minýt ishinde avtomatty túrde ótkizilgen. Qazirgi tańda 5 myńǵa jýyq paidalanýshy tirkelip, memlekettik organdarmen 15 integratsiia júzege asyryldy.
