© Photo: primeminister.kz
Premer-ministr Álihan Smaiylov Bolat Nazarbaevtyń janazasyna ne sebepti barǵanyn túsindirdi, - dep habarlaidy Sputnik Qazaqstan.
Búgin senatta ótken brifing kezinde jýrnalister halyqtyń arasynda talqylanǵan bir máseleni surady. Jaqynda Premer-ministr eks-prezidenttiń inisi qaitys bolǵanda janazasyna barǵan.
“Sonda janazaǵa barýyńyz azamattyq ustanymyńyz ba? Álde hattama boiynsha jasaldy ma?”, - dep surady tilshiler.
Úkimet basshysy qaitys bolǵan adamnyń týystaryna kóńil aitý ata-babamyzdan qalǵan dástúr ekenin eske saldy.
“Sondyqtan men Premer-ministr retinde Tuńǵysh Prezidentke kóńil aitýdy jón dep sanadym.
Onyń ústine sol kúni Almaty oblysynda issaparmen boldym. Úlken, óte mańyzdy jobany bastadyq. Ol - Almaty qalasynyń ainalma temirjol qurylysy. Bul joba elimizdiń kólikti jáne tranzittik áleýetin kóteredi”, - dep atap kórsetti Smaiylov.
