- QR Premer-Ministri Baqytjan Saǵyntaev QR Ulttyq ekonomika ministri Qýandyq Bishimbaevqa az oilanyp, kóp jumys isteý qajettigin eskertti.
Ulttyq ekonomika ministri Úkimet otyrysy barysynda básekelestikti qorǵaý salasyndaǵy memlekettik retteýdiń jańa tásilderi týraly baiandaǵan bolatyn, dep habarlaidy Ult.kz tilshisi QazAqparat agenttigine silteme jasap.
Onyń aitýynsha, Qazaqstanda EYDU-nyń standarttaryna sáikes keletin monopoliiaǵa qarsy zańnama bar, biraq básekelestiktiń deńgeii tómen qalýda. Vedomstvo derekteri boiynsha sebepterdiń biri kóbinese básekelestiktiń bazalyq qaǵidattaryna qaishy keletin salalyq zańnama normalarymen bailanysty.
«Nátijesinde, bazalyq naryqtarda básekelestiktiń zańdy negizderde damýy úshin jańa sýbektilerdiń kirýi úshin eńserilmeitin ákimshilik, ekonomikalyq, tehnikalyq jáne basqa tosqaýyldar jasalǵan», - dedi ministr.
«Osy rette, salalardyń qurylymyn ózgertýge jáne básekelestikti damytýǵa baǵyttalǵan salalyq zańdarǵa ózgeshe «reviziia» júrgizý qajet. Sózsiz, bazalyq salalardyń reformalanýy talap etiletindikten, bul jumysty birtindep kerek. Bul básekelestik qaǵidattaryna qaishy keletin normalar men erejelerdi alyp tastaý ne qarapaiym retteýdiń transtparettiligi men ashyqtyǵyn qamtamasyz etý bolady. Qazaqstanda júk jáne jolaýshylar tasymaly, aviatasymaldar, elektr energetikasy, kómir ónerkásibi, munai ónimderin óńdeý jáne onymen jabdyqtaý jáne qant óndirisi siiaqty bazalyq naryqtarda 3-4 iri ústem qurylymdar áreket etedi. Tutastai alǵanda, básekeles ortadaǵy aǵymdaǵy jaǵdaidy naryqtardyń saqtalatyn oligopoliialyq qurylymy retinde sipattaýǵa bolady», - dep habarlady Bishimbaev.
«Jalpy ministr óziniń baiandamasynda barlyq máseleni qamtyǵan, biraq maǵan onda «múmkin ýaqyty keldi» degen sóz unamai otyr. Bul sózden sestenip otyrmyn. Sizderdiń ministrlik mańyzdy birdeńe atqarady ma, joq pa? Oilanbai, áreket etý kerek», - dedi Saǵyntaev Úkimet otyrysy barysynda.
«Memleket basshysy ashyq básekelestikti damytýdy, antimonopoliialyq organnyń quzyryn kúsheitýdi tapsyrdy. Ol jasaldy. Sizge barlyq quzyr berildi. Sizder búgin Qazaqstanda EYDU-nyń standarttaryna sáikes keletin monopoliiaǵa qarsy zańnama bar ekendigin habarladyńyzdar. Onda iske kirisińizder. Kómir boiynsha problema bar dep bizge anyq nárselerdi aityp otyrsyz. Búgin ǵana bildińiz ba?! Ol baiaǵyda belgili bolǵan nárse. Nege jumys istemeisizder, nege áreket etpeisizder. Elektr energiiasynan osyndai jaǵdai ekenin jańa bildińizder me?! Onyń barlyǵy qalai satyp alynatynyn, qalai ótkiziletindigin adamdar biledi», - dedi Saǵyntaev.
