Qazaqstannyń fýtboldan Premer-ligasy Túrkistan komandasymen tolyǵady. Bul týraly Túrkistan oblysynyń ákimi Ómirzaq Shókeev aitty, dep habarlaidy "Ult aqparat".
Ortalyq kommýnikatsiialar qyzmeti alańynda ótken baspasóz máslihatynda oblys basshysyna: «Qazaqstannyń Premer-ligasynda Túrkistan oblysynyń jeke fýtbol komandasy bola ma?» degen saýal qoiylǵan edi.
«Árine bolady. Mundai stadion salynǵannan keiin Premer-ligada komanda bolýy kerek. Qazirgi ýaqytta birinshi ligada úsh komandamyz bar. Úsheýi de joǵary satyda júr - «Qyran», «Arys», «Maqtaaral» komandalary. «Qyran» - 2, «Arys» - 3, al «Maqtaaral» komandasy 4-orynda tur. Qazir bizde osylardyń arasynan qurastyryp, Premer-ligada oinaityn bir komanda shyǵaramyz degen oiymyz bar. Sonymen ainalysyp jatyrmyz», - dedi Ómirzaq Shókeev.
