Óńirler kásipkerler kótergen máselelerdi jedel qarap, tiisti sheshimder qabyldaýdy qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Qalyptasyp otyrǵan kúrdeli jaǵdaida ekonomikanyń negizgi salalarynda 7 aidyń kórsetkishteri boiynsha ósimniń oń serpini saqtalyp otyr. Qaita óńdeý ónerkásibinde ósim 3,8, mashina jasaýda 13,9, azyq-túlik óndirisinde 4,1, farmatsevtikada 23,2, jeńil ónerkásipte 7,3, qaǵaz óndirisinde 15,7, himiia ónerkásibinde 3,6 paiyzǵa jáne daiyn metalldar óndirisinde ósim 18,6 paiyzǵa qamtamasyz etildi. Qurylys kólemi 6,3, turǵyn úidi paidalanýǵa berý 7,5 paiyzǵa ósti nemese shamamen 7,5 mln sharshy metrdi qurady. Aýyl sharýashylyǵynda 2,5 paiyz deńgeiinde turaqty ósim qamtamasyz etildi. Sonymen qatar OPEK+ pen qol jetkizilgen kelisimdi oryndaý qajettiligi jaǵdaiynda munai ónimderin óndirý tómendegeni baiqalady. Bul jalpy taý-ken óndirý ónerkásibi kórsetkishterine tikelei áser etedi», - dedi Úkimet basshysy.
Onyń atap ótýinshe, taý-ken sektorynyń basqa mańyzdy baǵyttary boiynsha oń serpin saqtalyp otyr. Kómir óndirýde ósim 2,6, metall kenderin óndirýde 2,3, tabiǵi gaz óndirýde 0,9 paiyzdy qurady.
«Sonymen birge karantin jaǵdaiynda qyzmet kórsetý sektorynda kórsetkishterdiń tómendegenin baiqaimyz. Jalpy óńirler 7 aidyń qorytyndysynda negizgi 5 kórsetkish boiynsha 9 óńirde áleýmettik-ekonomikalyq ósimi qamtamasyz etildi. Bul - Aqmola, Almaty, Shyǵys Qazaqstan, Jambyl, Qostanai, Mańǵystaý, Soltústik Qazaqstan oblystary jáne Nur-Sultan, Almaty qalalary. 5 óńirde 4 kórsetkish boiynsha oń serpin saqtalyp otyr. Bul - Qaraǵandy, Túrkistan, Pavlodar, Aqtóbe oblystary jáne Shymkent qalasy. Qalǵan óńirler tek úsh kórsetkish boiynsha ósimge qol jetkizdi. Bul - Atyraý,Qyzylorda, Batys Qazaqstan oblystary», - dedi Asqar Mamin.
Úkimet basshysy óńirler belsendi jumys isteýi kerektigin jáne ekonomika ósimin qalpyna keltirý jónindegi barlyq qabyldanǵan sharalardyń, onyń ishinde memlekettik baǵdarlamalardyń aiasynda sharalardyń tiimdi iske asyrylýyn qamtamasyz etý qajettigin basa aitty.
«Óńirlerge daǵdarysqa qarsy shtabtar jumysyn jandandyrýdy jáne jergilikti jerlerdiń kásipkerleri kótergen máselelerdi jedel qarap, tiisti sheshimder qabyldaýdy tapsyramyn», - dedi Premer-Ministr.
