«Jolaýshylar tasymaly» AQ bas direktorynyń operatsiialyq máseleler jónindegi orynbasary Iorg Besver poiyzdan koronavirýs juqtyrǵan adam tabylǵan jaǵdaida jolserikterdiń qalai áreket etetinin aityp berdi, dep habarlaidy QazAqparat.
«Tiisti organdarmen birlesip, koronavirýspen aýyratyn naýqas tabylsa qalai áreket etý kerektigin oilastyrdyq. Sondyqtan, ár jolserikke naqty nusqama berildi. Ol jolseriktiń kýpesinde ilinip tur. Aýrý belgileri bar adam jeke kýpege oqshaýlanady, qalǵan áreketter osy erejege sáikes júzege asyrylady», - dedi Iorg Besver «Nurly jol» vokzalynda jýrnalisterge.
Onyń aitýynsha, naýqas oqshaý kýpede kelesi stansaǵa deiin bolady, keiin ony jedel járdem alyp ketedi. Budan bólek, spiker búkil quram karantinge jabylmaitynyn atap ótti.
«Vagon dezinfektsiialanady, ony ári qarai paidalaný úshin qajetti jumys júrgiziledi. Eger indet bir adamnan tabylsa, sol úshin búkil quramdy jabýdyń qajeti qansha? Biz poiyzdaǵy qozǵalysty shekteimiz, sondyqtan ár adam tek óz vagonynda bolady», - dep atap ótti I. Besver.
«Qoǵamdyq tamaqtanýǵa toqtala ketsek, qazir bas sanitar dárigerdiń qaýlysymen kólikte bul qyzmetke tyiym salyndy (vagon meiramhanalary). Sondyqtan, jolaýshylarǵa berer keńesimiz – ózderińizben birge qajetti tamaqty alyp júrińizder. Sebebi, vagon meiramhanalary ázirge jumys istemeidi», - dep túiindedi ol.
