14 qańtarynda «Nur-Sultan– Almaty-2» baǵytyna qatynaityn №04 jolaýshylar poiyzy tehnikalyq aqaý shyqty. Bul týraly "Ult aqparat" «Jolaýshylar tasymalyna» silteme jasap habarlaidy.
14 qańtarynda «Nur-Sultan– Almaty-2» baǵytyna qatynaityn №04 jolaýshylar poiyzy tehnikalyq aqaýǵa bailanysty «Babatai-Arshaly» aralyǵynda kidirdi. Jolaýshylar poiyzy júrip bara jatqanda «QTJ – Júk tasymaly» AQ Qaraǵandy bólimshesiniń Babatai stantsiiasynyń kezekshisi Qarlyǵash Maýsymbaeva bóten dybysty estidi, sol kezde ol týraly radiobailanys arqyly poiyz mashinisine habarlap, poiyz sol mezette jedel túrde toqtatylady. Poiyzdy syrtynan tekserý kezinde vagonnyń dońǵalaq juptarynyń birinen aqaý anyqtalǵan, bul quramnyń qozǵalys qaýipsizdigine áser etýi múmkin bolǵan.
«Jolaýshylar tasymaly» AQ aqaýdy jóndeý kezinde vagon-meiramhanada jolaýshylarǵa tegin ystyq tamaq uiymdastyryp, jol júrý qujattaryn (bilet) qaitarýlaryna múmkindik jasady. «Nur-Sultan Nurly jol – Almaty-2» baǵytyna qatynaityn №04 poiyz Nur-Sultan qalasynan 2020 jyldyń 15 qańtary saǵat 03.19-da jóneltildi.
«Nur-Sultan Nurly jol – Almaty-2» baǵytyna qatynaityn №04/03 poiyzy toqtatylǵan ýaqytta ondaǵy jolaýshylardyń jalpy sany – 280 bolǵan, onyń 62-si Nur-Sultan-1 stantsiiasynda jol júrý qujattaryn keri qaitarǵan, al qalǵan jolaýshylar sol poiyzben saparyn jalǵastyrdy.
«Nur-Sultan Nurly jol – Almaty-2» baǵytyna qatynaityn №04 poiyzyna Qaraǵandy stantsiiasynan keste boiynsha 105 jolaýshy otyrýy tiis bolatyn. Alaida, №04/03 poiyzynyń keshigýi sebebinen 96 jolaýshyny Qaraǵandy arqyly ótetin basqa poiyzdarǵa bólip otyrǵyzýǵa týra keldi, al 9 jolaýshy jol júrý qujattaryn (biletterin) qaitarýdy jón kórdi.
Tasymaldaý erejesine sáikes jolaýshylar ár keshikken saǵat úshin bilet qunynyń 3% mólsherinde ótemaqy nemese jol júrýden bas tartyp, bilet qunyń 100% qaitaryp alýlaryna bolady.
