«Tulpar-Talgo» jolserikterine qatysty apelliatsiialyq shaǵymdar Qostanai sotynda qaralyp, birinshi instantsiiadaǵy úkimniń kúshin joiý týraly sheshim qabyldandy, dep habarlaidy "Ult aqparat".
Búgin apelliatsiialyq instantsiia sottalǵandar Úmbetáliev pen Qurmaniiazovqa qatysty qylmystyq isti prokýrorǵa qaitarý týraly sheshim qabyldady. Oblystyq kólik prokýrory Janabaev pen jábirlenýshi K.-nyń ótinishteri qanaǵattandyryldy. Sottalǵandardyń sot talaptary oń sheshimin tapqan joq.
Buǵan qosa, apelliatsiialyq instantsiia jeke qaýly shyǵardy. Birinshisi «QTJ» UK »AQ basshylyǵyna qatysty. Kompaniianyń qyzmetindegi anyqtalǵan kemshilikter, atap aitqanda, jaýapsyzdyq pen baqylaý, qyzmetkerlerdiń tártibi men minezdemeleri eskerildi. Ekinshi qaýly – QR Bas prokýratýrasy janyndaǵy vedomstvoaralyq jumys tobynyń Qylmystyq kodekstiń 120, 121, 122, 123-baptaryndaǵy jazalardy qatańdatý jáne osy qylmystardy aýyr sanatqa aýystyrý týraly bastamasynyń mańyzdylyǵy.
«Sot isi boiynsha iste keltirilgen barlyq dálelder tiisti túrde zerttelmegen. Iske obektivti baǵa berilmegen, is júrgizý zańynyń normalaryn eleýli túrde buzý nazardan tys qaldyryldy. Qylmystyń jasalǵan ýaqyty, tásili týraly derekter, sottalǵandardyń kinásizdigi, jábirlenýshiniń aldyn ala sóz bailasýy boiynsha qylmys jasaǵany týraly dálelderi tekserilmegen. Sondai-aq is boiynsha basty sot talqylaýyn taǵaiyndaýǵa kedergi keltirgen eleýli zańbuzýshylyqtarǵa jol berildi. Sonymen qatar, bul jaǵdaida qujattardy rásimdeý kezinde zań buzýshylyqtar boldy. Munyń bári birinshi instantsiiadaǵy sot sheshiminiń kúshin joiýǵa negiz boldy», - delingen sot úkiminde.
Sottalǵanarǵa qatysty bultartpaý sharasynyń merzimi is prokýrorǵa jiberilgen kúnnen bastap 1 aiǵa uzartylady.
Eske salsaq, bul oqiǵa boiynsha «Jolaýshylar tasymaly» AQ túsinik berdi. 26 shilde kúni Qostanaida «Tulpar-Talgo» poiyzynda aqtóbelik boijetkendi zorlaǵan eki jolserikke úkim shyǵarylǵan edi.
