.jpeg)
Foto: «Jolaýshylar tasymaly» AQ baspasóz qyzmetinen
«Jolaýshylar tasymaly» AQ poiyzdarda ustaný tártibi men qaýipsizdik talaptaryn saqtaý — ár jolaýshynyń mindeti ekenin eske salady. Barlyq jolaýshylardyń qaýipsizdigi men jailylyǵyn qamtamasyz etý maqsatynda kelesi áreketterge qatań túrde tyiym salynady, dep habarlaidy Ult.kz.
1. Biletsiz júrý
Poiyzǵa otyrý úshin jolaýshyda mindetti túrde jaramdy bilet bolýy qajet. Biletsiz vagonda júrýge ruqsat etilmeidi. Eger jolaýshyda tekseris kezinde bilet bolmaǵan jaǵdaida ony kelesi stantsiiada túsirý múmkin.
2. Balalardy qujatsyz alyp júrý
Eger balanyń jeke basyn kýálandyratyn nemese ata-anasymen týystyqty dáleldeitin resmi qujattary bolmasa, ony poiyzǵa otyrǵyzýǵa ruqsat berilmeidi.
3. Aldyn ala tólemsiz jáne rásimdelmegen bagajdy tasymaldaýǵa tyiym salynady
Bir jolaýshyǵa belgilengen normadan (35 kg) asatyn bagajdy aldyn ala tólem jasamai jáne tiisti qujatty rásimdemei alyp júrýge bolmaidy.
4. Qujatsyz janýarlardy tasymaldaýǵa tyiym salynady
Veterinariialyq qujattary joq janýarlardy poiyzda tasymaldaýǵa qatań túrde tyiym salynady. Qajetti qujattar bolmaǵan jaǵdaida jolaýshyǵa poiyzǵa otyrýǵa ruqsat berilmeidi.
5. Poiyzda shylym shegýge tyiym salynady
Poiyz ishinde shylym jáne elektrondy temeki shegýge qatań tyiym salynady.
6. Stop-krandy sebepsiz iske qosý
Tótenshe jaǵdai bolmasa, stop-krandy basýǵa bolmaidy. Mundai áreket poiyz qozǵalysynyń kestesin buzyp, basqa jolaýshylarǵa qolaisyzdyq týdyrady jáne ákimshilik jaýapkershilikke ákeledi.
7. Tyiym salynǵan zattardy alyp ótý
Esirtki zattaryn, jarylǵysh nemese ótkir zattardy poiyzda tasymaldaýǵa múlde tyiym salynady. Mundai zańbuzýshylyq anyqtalǵan jaǵdaida, jolaýshy quqyq qorǵaý organdaryna beriledi.
8.Agressiia kórsetýge jáne janjal týdyrýǵa qatań tyiym salynady
Fizikalyq nemese psihologiialyq agressiianyń kez kelgen túrine, onyń ishinde sózben qorlaý áreketterine de qatań túrde tyiym salynady. Bul erejeni buzǵan jolaýshy jaqyn mańdaǵy stantsiiada poiyzdan túsirilýi múmkin.
9. Poiyz júrip jatqan kezde túsýge qatań tyiym salynady
Mundai áreketter ómir men densaýlyqqa asa qaýipti jáne temirjol erejelerin óreskel buzý bolyp sanalady. Poiyzdan túsýge tek stantsiialarda jáne arnaiy esikter arqyly ǵana ruqsat etiledi.
10. Vagondy lastaýǵa nemese múlikti búldirýge qatań tyiym salynady
«Jolaýshylar tasymaly» AQ múlkin búldirý, vagon ishin lastaý nemese vandalizm áreketteri qatań túrde tyiym salynady. Bul erejeni buzǵan jolaýshy jaqyn mańdaǵy stantsiiada poiyzdan túsirilýi múmkin.
11. Alkogol ishýge tyiym salynady
Poiyzdyń barlyq vagondarynda alkogoldi ishimdikterdi tutynýǵa qatań tyiym salynady. Bul shekteý tek meiramhana-vagondarǵa qoldanylmaidy, onda ishimdik ishý qoldanystaǵy tártipke sai ruqsat etiledi. Atalǵan talapty buzý jolaýshynyń ákimshilik jaýapkershilikke tartylýyna jáne kelesi stantsiiada poiyzdan túsirilýine sebep bolýy múmkin.
Qyzmet kórsetý sapasyna qatysty suraqtar týyndaǵan jaǵdaida jolaýshylar kelesidei bailanys arnalary arqyly habarlasa alady:
WhatsApp messendjeri arqyly +7 776 714 5686 nómirine jazý;
Vagondarda ornalasqan QR-kodty skanerlep, operatorǵa tikelei WhatsApp arqyly habarlama joldaý;
1433 nómirine qońyraý shalyp, tegin anyqtama qyzmetin paidalaný.
Bul erejeler «Temirjol kóligimen jolaýshylar, bagaj jáne júk-bagajdy tasymaldaý qaǵidalaryna» sáikes bekitilgen. «Jolaýshylar tasymaly» AQ barlyq jolaýshylardy belgilengen talaptardy saqtaýǵa shaqyrady. Poiyz ishindegi tártip pen qaýipsizdik — ortaq jaýapkershilik.
