Elordanyń kólik politsiiasy asa iri kólemde esirtki tasymaldaǵan jolserikti ustady, dep habarlaidy "Ult aqparat" Kólik politsiiasy departamentiniń baspasóz qyzmetine silteme jasap.
«9 naýryz kúni saǵat 6:10-da Kólik politsiiasy departamentiniń qyzmetkerleri Nur-Sultan qalasynyń temirjol vokzalynda jedel-izdestirý sharalaryn júrgizý barysynda "Qyzylorda-Kókshetaý" baǵytyndaǵy poiyz jolserigi - Qyzylorda oblysynyń 43 jastaǵy turǵynyn ustady. Tergeý soty sanktsiialaǵan jeke tintý barysynda asa iri kólemde esirtki tasymaldaǵany úshin alǵan 80 000 teńge qarajat tabyldy. Sál keiin kúdikti sómkeni kútip alatyn adamdy izdestirý sharalarynyń nátijesinde, 1982 jyly týǵan er adam ustaldy. Onyń jeke zattarynan saraptamaǵa sáikes, 3742 gramm "keptirilgen marihýana" esirtkilik zaty tabyldy», - delingen departament habarlamasynda.
Asa iri kólemde esirtki zatyn tabý faktisi boiynsha eki kúdiktige qatysty sotqa deiingi tergeý jumystary sol kúni bastaldy. Olarǵa QR Qylmystyq kodeksiniń 296-baby, 4-bóligi jáne 297-baby, 2-bóligi boiynsha aiyp taǵyldy.
Tergeý aiasynda 43 jastaǵy er adamnyń qyzmettik ókilettigin paidalanyp, Qyzylorda oblysynan elordaǵa birneshe ret esirtki zattaryn tasyǵany anyqtaldy. Nur-Sultan qalasynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy QR QK 296-baby, 4-bóligi boiynsha aiypty dep tanylyp, 4 jylǵa bas bostandyǵynan aiyryldy.
Qylmystyq istiń ekinshi figýranty QR QK 296-baby, 4-bóligi boiynsha 3 jylǵa abaqtyǵa qamaldy.
Eske sala keteiik, buǵan deiin «Talgo» poiyzynda jolaýshy áieldi zorlaǵan eki jolserik bas bostandyqtarynan aiyrylǵan edi.
