QR Syrtqy ister ministrliginiń Almaty qalasyndaǵy ókildiginde «Meiirim» eriktiler qoǵamy» qoryna gýmanitarlyq kómek tapsyryldy, dep habarlaidy Syrtqy ister ministrliginiń baspasóz qyzmeti.
Is-shara barysynda QR SIM Almaty qalasyndaǵy ókildiginiń basshysy Erlan Ysqaqov Varshavadaǵy QR Elshiligi uiymdastyrǵan gýmanitarlyq kómek polshalyq «Wipasz» kompaniiasynyń birneshe ret qoldanatyn meditsinalyq qorǵanys maskalaryn, sondai-aq Liýbomirskii kniaz qorynyń syiǵa bergen 10 noýtbýgyn qamtitynyn aitty.
QR bala quqyqtary jónindegi ýákili Arýjan Sainnyń aitýynsha, alynǵan kompiýterler qashyqtan oqytý úshin kómekke muqtaj balalar arasynda taratylady.
Sonymen qatar, noýtbýktardyń bir bóligi ótken jyldyń qarasha aiynda sátti júzege asyrylǵan «Rýsafa» gýmanitarlyq aktsiiasy aiasynda Iraktan Qazaqstanǵa ákelingen balalarǵa beriledi.
