Qazaqstandyq rejisser Farhat Sháripovtyń «18 kilogerts» filmi otandyq kinoprokatqa shyqty, dep habarlaidy "Ult aqparat".
«18 kilogerts» filminiń álemdik tusaýkeseri Varshava halyqaralyq kinofestivalinde ótken bolatyn. Onda kinokartina bas júldeni jeńip aldy.
Keiin film Kotbýsta (Germaniia) ótken 30-shy halyqaralyq kinofestivalnde úzdik dep tanyldy.
Film Zara Esenamannyń «Hardkor» povesiniń jelisi boiynsha túsirilgen. Kartinada 90-jyldardyń sońyndaǵy jasóspirimderdiń ómiri baiandalady.
«Atalǵan filmdi jaryqqa shyǵarýǵa úsh jyl ketti. Bul oqiǵanyń jalǵasy joq. Qazir biz osy taqyrypta taǵy bir film túsirip jatyrmyz. Bul joly qazirgi zamannyń qyzdaryn kórsetemiz. Biz jasóspirimder ómiriniń nazardan tys qalatyn tustaryn kórsetemiz», - deidi rejisser Farhat Sháripov.
Film túsirilimi Almatyda ótti. Basty rolderdi úlken kinoda alǵash ret debiýt jasaǵan jas akterler somdady, olar - Musahan Jumahan, Álibek Ádiken, Kamila Fýn-So.
«18 kilogerts - eresekter estimeitin dybys jiiligi. Film jasóspirimderdiń problemalaryna arnalǵan. Óse kele jyl saiyn jastardyń problemasyn túsiný kúrdelenedi, ol ózimiz jasóspirim kezimizde de sheshilmeitindei kórinetin. Jol taba almai, sharasyz qalǵanda seziletin qorqynysh kúshin eske túsirý qiyn. Bul film arqyly osynyń bárin eske salǵym keldi», - deidi Sháripov.
Aita keteik, «18 kilogerts» filmi Aziiadaǵy eń iri kinofestivalde - Pýsan halyqaralyq kinofestivaliniń «Aziia kinosyna tereze» atty konkýrstyq baǵdarlamasynda da kórsetildi.
