قازاقستاندىق رەجيسسەر فارحات شەرٸپوۆتىڭ «18 كيلوگەرتس» فيلمٸ وتاندىق كينوپروكاتقا شىقتى, دەپ حابارلايدى "ۇلت اقپارات".
«18 كيلوگەرتس» فيلمٸنٸڭ ەلەمدٸك تۇساۋكەسەرٸ ۆارشاۆا حالىقارالىق كينوفەستيۆالٸندە ٶتكەن بولاتىن. وندا كينوكارتينا باس جٷلدەنٸ جەڭٸپ الدى.
كەيٸن فيلم كوتبۋستا (گەرمانييا) ٶتكەن 30-شى حالىقارالىق كينوفەستيۆالندە ٷزدٸك دەپ تانىلدى.
فيلم زارا ەسەناماننىڭ «حاردكور» پوۆەسٸنٸڭ جەلٸسٸ بويىنشا تٷسٸرٸلگەن. كارتينادا 90-جىلداردىڭ سوڭىنداعى جاسٶسپٸرٸمدەردٸڭ ٶمٸرٸ باياندالادى.
«اتالعان فيلمدٸ جارىققا شىعارۋعا ٷش جىل كەتتٸ. بۇل وقيعانىڭ جالعاسى جوق. قازٸر بٸز وسى تاقىرىپتا تاعى بٸر فيلم تٷسٸرٸپ جاتىرمىز. بۇل جولى قازٸرگٸ زاماننىڭ قىزدارىن كٶرسەتەمٸز. بٸز جاسٶسپٸرٸمدەر ٶمٸرٸنٸڭ نازاردان تىس قالاتىن تۇستارىن كٶرسەتەمٸز», - دەيدٸ رەجيسسەر فارحات شەرٸپوۆ.
فيلم تٷسٸرٸلٸمٸ الماتىدا ٶتتٸ. باستى رولدەردٸ ٷلكەن كينودا العاش رەت دەبيۋت جاساعان جاس اكتەرلەر سومدادى, ولار - مۇساحان جۇماحان, ەلٸبەك ەدٸكەن, كاميلا فۋن-سو.
«18 كيلوگەرتس - ەرەسەكتەر ەستٸمەيتٸن دىبىس جيٸلٸگٸ. فيلم جاسٶسپٸرٸمدەردٸڭ پروبلەمالارىنا ارنالعان. ٶسە كەلە جىل سايىن جاستاردىڭ پروبلەماسىن تٷسٸنۋ كٷردەلەنەدٸ, ول ٶزٸمٸز جاسٶسپٸرٸم كەزٸمٸزدە دە شەشٸلمەيتٸندەي كٶرٸنەتٸن. جول تابا الماي, شاراسىز قالعاندا سەزٸلەتٸن قورقىنىش كٷشٸن ەسكە تٷسٸرۋ قيىن. بۇل فيلم ارقىلى وسىنىڭ بەرٸن ەسكە سالعىم كەلدٸ», - دەيدٸ شەرٸپوۆ.
ايتا كەتەيك, «18 كيلوگەرتس» فيلمٸ ازيياداعى ەڭ ٸرٸ كينوفەستيۆالدە - پۋسان حالىقارالىق كينوفەستيۆالٸنٸڭ «ازييا كينوسىنا تەرەزە» اتتى كونكۋرستىق باعدارلاماسىندا دا كٶرسەتٸلدٸ.
