Sońǵy bes jylda elimiz boiynsha mal urlyǵynyń faktisi 8 myńnan 3,7 myńǵa deiin tómendedi. Bul týraly QR IIM Kriminaldyq politsiia departamenti basshysynyń orynbasary Saǵat Madiev málim etti, dep habarlaidy "Ult aqparat".
«Kriminogendik jaǵdaiǵa jasalǵan taldaý kórsetkendei, sońǵy bes jylda respýblika boiynsha mal urlyǵynyń faktisi 8 myńnan 3,7 myńǵa deiin nemese 60 paiyzǵa tómendegeni baiqalady. Jalpy urlyq qylmystary ishinde mal urlyǵynyń úlesi 3,5 paiyz shamasynda», - dedi S. Madiev.
Taratylǵan málimetterge qaraǵanda, 2015 jyly 19 535 mal basy, 2016 jyly – 25 432, 2017 jyly – 20 059, 2018 jyly – 15 400, al 2019 jyly 10 942 mal basy urlanǵan.
Onyń sózine qaraǵanda, urlanǵan 91 myń bas maldan 42,5 myńy iesine qaitaryldy.
«Jalpy, qabyldanǵan sharalardyń arqasynda sońǵy 5 jylda mal urlyǵy úshin 11 myń qylmysker ustaldy», - dep naqtylady Saǵat Madiev.
Onyń aitýynsha, kóp jaǵdaida qylmyskerler qaitalap urlyq jasaidy. Aǵymdaǵy jyly mal urlyǵy úshin ustalǵan 1 696 adamnyń 678-i buryn osyndai qylmys jasaǵan. Qazirgi ýaqytta 3 387 mal urysy politsiianyń jedel esebinde tur.
