سوڭعى بەس جىلدا ەلٸمٸز بويىنشا مال ۇرلىعىنىڭ فاكتٸسٸ 8 مىڭنان 3,7 مىڭعا دەيٸن تٶمەندەدٸ. بۇل تۋرالى قر ٸٸم كريمينالدىق پوليتسييا دەپارتامەنتٸ باسشىسىنىڭ ورىنباسارى ساعات ماديەۆ مەلٸم ەتتٸ, دەپ حابارلايدى "ۇلت اقپارات".
«كريمينوگەندٸك جاعدايعا جاسالعان تالداۋ كٶرسەتكەندەي, سوڭعى بەس جىلدا رەسپۋبليكا بويىنشا مال ۇرلىعىنىڭ فاكتٸسٸ 8 مىڭنان 3,7 مىڭعا دەيٸن نەمەسە 60 پايىزعا تٶمەندەگەنٸ بايقالادى. جالپى ۇرلىق قىلمىستارى ٸشٸندە مال ۇرلىعىنىڭ ٷلەسٸ 3,5 پايىز شاماسىندا», - دەدٸ س. ماديەۆ.
تاراتىلعان مەلٸمەتتەرگە قاراعاندا, 2015 جىلى 19 535 مال باسى, 2016 جىلى – 25 432, 2017 جىلى – 20 059, 2018 جىلى – 15 400, ال 2019 جىلى 10 942 مال باسى ۇرلانعان.
ونىڭ سٶزٸنە قاراعاندا, ۇرلانعان 91 مىڭ باس مالدان 42,5 مىڭى يەسٸنە قايتارىلدى.
«جالپى, قابىلدانعان شارالاردىڭ ارقاسىندا سوڭعى 5 جىلدا مال ۇرلىعى ٷشٸن 11 مىڭ قىلمىسكەر ۇستالدى», - دەپ ناقتىلادى ساعات ماديەۆ.
ونىڭ ايتۋىنشا, كٶپ جاعدايدا قىلمىسكەرلەر قايتالاپ ۇرلىق جاسايدى. اعىمداعى جىلى مال ۇرلىعى ٷشٸن ۇستالعان 1 696 ادامنىڭ 678-ٸ بۇرىن وسىنداي قىلمىس جاساعان. قازٸرگٸ ۋاقىتتا 3 387 مال ۇرىسى پوليتسييانىڭ جەدەل ەسەبٸندە تۇر.
