Almaty oblysynyń politsiia departamenti ánshi Tóreǵali Tóreáliniń fotosyna bailanysty tekseris júrgizip jatyr, dep habarlaidy Sputnik Qazaqstan.
Ánshi ólgen ańdy ustap otyrǵan fotosyn áleýmettik jelide jariialaǵan.
"Qazir Almaty oblysynyń politsiia departamenti istiń mán-jaiyn anyqtap jatyr. Tekseris nátijesi boiynsha qoldanystaǵy zańnamaǵa sáikes yqpal etý sharalary mindetti túrde qabyldanatyn bolady. Sonymen qatar quqyqtyq baǵa da beriledi", - delingen politsiia aqparatynda.
Aita keteiik, 2020 jyldyń 25 jeltoqsanynda Tóreǵali Tóreáli Instagram paraqshasynda tabiǵat aiasynda túsken fotosyn jariialady. Ol jerde ánshi ólgen ańdy ustap otyr. Jeli qoldanýshylardy ánshini synǵa alǵan bolatyn. Al Tóreáli búgin jeliden bul fotosyn óshirip tastady.
