Foto: taulik.kz
Kásipker, Choco holdinginiń negizin qalaýshy ári atqarýshy direktory Ramil Mýhoriapovqa qatysty is toqtatyldy, - dep habarlaidy Tengrinews.kz portaly.
Almaty Politsiia departamenti málimetinshe, Ramil Mýhoriapovtyń isi boiynsha áleýmettik, ulttyq, rýlyq, násildik, taptyq jáne dini alaýyzdyqty qozdyrǵany týraly derekti tekserý úshin sotaldy tergeý júrgizilgen.
"Sotaldy tergeý nátijeleri boiynsha qylmystyq qýdalaý organy qylmystyq quqyqbuzýshylyq quramy bolmaýyna bailanysty qylmystyq isti toqtatý týraly sheshim shyǵardy. Bul sheshim QR Qylmystyq is júrgizý kodeksiniń 2-tarmaǵy 35-baby 1-bóligi boiynsha qabyldandy. Almaty prokýratýrasy qabyldanǵan is júrgizý sheshimimen kelisti", - dedi Almaty prokýrorynyń orynbasary Nurlan Aýǵanbaev.
Eske salaiyq, buǵan deiin kásipkerdiń qazaq tiline qatysty aitqan málimdemesi Jelide daý týǵyzǵan bolatyn. Qaznette kásipker Ramil Mýhoriapov jiyndardyń birinde shetelden kelip jatqan reseilikterge olardy túsine tura, qazaq tilinde jaýap berý "birtúrli ári ultshyldyqtyń belgisi" ekenin aitqan video taraǵan edi. Qazaqstandyqtar kásipkerdiń bul málimdemesine narazy boldy.
