Foto: Polisia.kz
Almaty qalalyq Politsiia departamenti 2-qabattyń terezesinen sekirip ketken qyz boiynsha "óz-ózine qol jumsaý" deregine sáikes qylmystyq istiń toqtatylǵany týraly internette taraǵan aqparat shyndyqqa janaspaitynyn habarlady, dep jazady IIM baspasóz qyzmeti.
"Qazir Qylmystyq kodekstiń 105-baby "Ózin-ózi óltirýge itermeleý" jáne 194-baby "Bopsalaý" boiynsha tergeý jumystary jalǵasyp jatyr.
Tergeý barysynda oqiǵanyń barlyq qatysýshysy men kýágeri anyqtaldy. Basty kúdikti belgili boldy. Qazir jan-jaqtylyq, tolyqtyq jáne obektivtilik qaǵidattaryn qatań saqtai otyryp, qajetti tergeý áreketteri júrgizilip jatyr.
Qyzdy uryp-soǵyp jatqan beinege qatysty tergeý oqiǵa 2022 jyldyń jeltoqsanynda Shymkent qalasynda kúdikti jáne onyń tanysynyń qatysýymen bolǵanyn anyqtady. Alaida bul derek boiynsha politsiiaǵa shaǵymdar túsken joq. Politseiler jábirlenýshini izdestirip jatyr.
Tergeý barysy Almaty qalalyq politsiia departamentiniń basshylyǵynyń baqylaýynda", - delingen habarlamada.
Eske sala keteiik, osyǵan deiin Almatyda 20 jastaǵy boijetken ekinshi qabattyń terezesinen sekirip, aýyr jaraqatpen aýrýhanaǵa túsken bolatyn. Ol ózin páterge kirgizip, uryp-soqqan jeti qyzdan qashpaq bolǵan. Olar qyzdan 100 000 teńge bopsalap, taýyp bermese, jigitterge jynystyq quldyqqa beretinin aityp qorqytqan.
