Kollaj:planetarealmadrid
Almaty politsiiasynyń baspasóz qyzmeti qazaqstandyqtarǵa "Kairat" pen "Real" arasyndaǵy Chempiondar ligasy matchiniń jalǵan biletteri týraly eskertti.
Politsiia departamentiniń málimdeýinshe, biletterdiń satylymy men baǵasy ázirge jariialanbaǵan, al politsiia bul oiyn alaiaqtyq qaýpin arttyrdy dep esepteidi.
"Bul jeńis – bárimizdiń ortaq qýanyshymyz. Biraq sonymen qatar sizderge eskertýge mindettimiz: jalǵan biletterge qatysty alaiaqtyq jaǵdailary jiilep ketti", – dedi Almaty DP kiberqylmyspen kúres basqarmasynyń bastyǵy Ánes Qaldybaev.
Onyń aitýynsha, kúmándi saittarda jalǵan biletter satyla bastaǵan.
Politseiler biletterdi qaita satý jáne zańsyz satýǵa tyiym salynǵanyn eskertti.
"Kúmán týyndaǵan jaǵdaida tek resmi distribiýtordyń kassasyna ǵana júginińizder", – dep túiindedi DP ókili.
Eske salaiyq, "Kairat" – "Real" oiynyna biletter áli satylymǵa túsken joq. Sońǵy jyldar tájiribesine súiensek, olar oiynǵa keminde úsh apta qalǵanda klýbtyń resmi saitynda paida bolýy múmkin.
