Foto blogerdiń Facebook-paraqshasynan
Jýrnalist, bloger Sandýǵash Dúisenova politseilerdiń ony jalańash kúiinde videoǵa túsirgeni týraly málimdeme jasady. Atalǵan jaǵdaiǵa qatysty Jetisý oblystyq Politsiia departamenti jaýap berdi, - dep habarlaidy "Ult aqparat".
"BAQ-ta jáne áleýmettik jelilerde azamatsha D. ustaý kezinde politsiia qyzmetkerleri tarapynan zańsyz áreketter oryn alǵany týraly aqparat tarap jatyr. 11 tamyzda sottyń sanktsiiasymen sotaldy tergep-tekserý aiasynda azamatsha D. jeke tintýi júrgizilgenin habarlaimyz.
Jeke tintý rásimi tergeýshi, kriminalist jáne eki kýágerdiń qatysýymen (barlyǵy tintilgen adammen bir jynysty) Qylmystyq-protsestik kodeksiniń talaptaryna qatań sáikes júzege asyryldy. Osy tergeý áreketin júrgizý kezinde ǵylymi-tehnikalyq quraldardy (beinekamera) qoldaný mindetti jáne QPK-men retteledi" - delingen Jetisý PD habarlamasynda.
Aita keteiik, buǵan deiin áleýmettik jelilerde bloger ári jýrnalist Sandýǵash Dúisenovanyń politsiia bóliminde jalańash kúide videoǵa túsirilgeni týraly aqparat taraǵan bolatyn.
