Foto: video kadry/t.me/kozachkow
"Politsiia bastyǵynyń ulynyń" úilený toiynda túsirilgen degen videoǵa qatysty Almaty Politsiia departamenti pikir bildirdi, - dep habarlaidy Tengrinews.kz.
Jýrnalist Mihail Kozachkov Facebook jelisinde Almatydaǵy toilardyń birinde túsirilgen videony jariialady. Onyń aitýynsha, jibergen adam videoǵa "politsiia basshylarynyń biriniń ulynyń úilený toiy túsirilgenin" aitqan.
Video jiynǵa qatysýshylardyń biriniń Instagram-paraqshasyndaǵy Stories-ten alynǵan kórinedi. Kadrlarǵa qaraǵanda, toiǵa kóp qonaq kelgeni, qazaqstandyq estrada juldyzdary óner kórsetip, kóptegen syilyq oinatylǵanyn baiqaýǵa bolady. Oinatylǵan syilyqtar ishinde benzin quiýǵa talondar da bar.
Politsiia málimetinshe, qyzmettik tergeý bastalǵan.
"Avtordyń aitqan ýájderi taǵaiyndalǵan qyzmettik tergeý aiasynda muqiiat tekserilip jatyr. Qyzmettik tártipti buzý anyqtalǵan jaǵdaida politsiia qyzmetkerlerine qatysty tártiptik sharalar qoldanylady", - dedi Almaty Politsiia departamenti ókilderi.
