Politsiia Almatydaǵy zańsyz uiymdastyrylǵan mitingilerge qatysty pikir bildirdi, - dep habarlaidy Massaget.kz portaly.
"Sailaý kezinde ruqsat etilmegen aktsiialar men mitingiler ótkizýge qatysty zań buzýshylyqtar boldy. Bizdiń zańdarda kez kelgen beibit jinalystar, sherýler, sherýler ótkizý tártibi naqty jazylǵanyn bilesizder. Zańdy saqtamaǵany, ony buzǵany úshin jaýapkershilik qarastyrylǵan. Osyǵan bailanysty ishki ister organdarymen qoǵamdyq tártipti buzý faktileriniń jolyn kesý boiynsha quqyqtyq sharalar qabyldandy", - dedi vedomstvo ókilderi.
Ruqsat etilmegen mitingilerdi uiymdastyrýshylar men belsendi qatysýshylar politsiia bólimine jetkizilgen.
"Olardyń bir bóligi azamattyq jáne saiasi quqyqtar týraly halyqaralyq paktiniń talaptaryn eskere otyryp, sottyń jaza taǵaiyndaýynyń minimaldylyǵy, proportsionaldylyǵy jáne jol berilýi týraly ákimshilik jaýapkershilikke tartylady, bir bóligi profilaktikalyq áńgimeden keiin bosatyldy. Politseilerdiń is-áreketteri týraly aitar bolsaq, barlyq is-shara zańǵa sáikes qatań túrde ótkizildi dep aitýǵa bolady. Azamattarmen qarym-qatynasta tártip saqshylary ózderin barynsha durys ustady, quqyq buzýshylardy jetkizý kezinde arnaiy quraldar qoldanylmady", - dedi politsiia ókilderi.
