Foto: jcomp/Freepik
Politsiia ulyna qatysty zańsyz áreketterdi tergeý jumystaryna óziniń anasy kedergi keltirip júrgenin málimdedi, – dep habarlaidy Polisia.kz.
"Almaty qalasynyń politsiia departamenti QR QK-niń 121-babynyń 4-bóligine sáikes qala turǵynynyń ulyna qatysty jasalǵan seksýaldyq sipattaǵy zorlyq-zombylyq áreketteri týraly ótinishi boiynsha tergeýdi jalǵastyryp jatyr.
14 qyrkúiekte áiel politsiiaǵa habarlasyp, Almaty qalasyndaǵy halyqaralyq mektepte belgisiz bir adamnyń balasyn qorlaǵany týraly habarlady. Sol kúni tergeýshi osy derek boiynsha sot-meditsinalyq saraptama taǵaiyndaý týraly qaýly shyǵaryp, qylmystyq is qozǵady.
Kelesi kúni balany sarapshylar komissiiasy qarady. Qaraý kezinde qandai da bir zaqym, sonyń ishinde zorlyq-zombylyq izderi tabylmaǵan. Sonymen qatar komissiia arnaiy meditsinalyq jabdyqtary bar proktologiia salasyndaǵy mamandy osy iske tartý týraly usynymhat berdi.
Alaida anasy jeke klinikanyń proktolog-mamanyna óz betinshe júginip, keiinnen saraptamadan ótýden bas tartty. Tergeý sheńberinde mekteptiń ishinde jáne ainalasynda ornatylǵan beinebaqylaý kameralarynan jazbalar alyndy" - delingen habarlamada.
Osy jazbalarǵa sáikes, 11-14 qyrkúiek aralyǵynda balanyń mektep dárethanasyna 57 ret barǵany anyqtaldy, olardyń árqaisysy 2-3 minýtqa sozylǵan. Onymen bir mezgilde basqa adamdardyń dárethanaǵa barǵany kameraǵa tirkelmegen.
"Jaýap alýǵa qatysqan mektep qyzmetkerleri men synyptastary balaǵa qatysty qandai da bir qysym men zorlyq-zombylyq jasalǵanyn joqqa shyǵarady.
Is boiynsha sot-biologiialyq jáne molekýlalyq-genomdyq saraptamalar júrgizildi. Saraptama qorytyndylaryna sáikes balanyń ish kiimi men shalbarynda tek ózine ǵana tiesili biomaterialdar tabyldy. Basqa izder tabylǵan joq" - delingen habarlamada.
Bul rette, ótinish berýshi saraptamalardyń qorytyndylarymen kelispei, óz advokattarymen táýelsiz mamandardy usyný týraly ótinish bildirgen. Alaida osy ýaqytqa deiin olar mundai mamandardy usynbaǵan.
"Bul qosymsha saraptamalardy taǵaiyndaýǵa kedergi keltiredi.
Sonymen qatar ótinish berýshi birneshe ret habardar bola tura, psihologtyń qatysýymen ulynan jaýap alýǵa úzildi-kesildi bas tartyp otyr. Osyǵan bailanysty is boiynsha mańyzdy tergeý áreketterin júrgizý múmkin bolmai otyr.
Ótinish berýshiniń osyndai kedergilerine qaramastan, tergeý jalǵasyp jatyr. Qylmystyq is boiynsha sheshim qylmystyq protsestiń úsh býyndy modeli sheńberinde qadaǵalaý organymen kelisim boiynsha qabyldanatyn bolady" - delingen habarlamada.
