فوتو: jcomp/Freepik
پوليتسييا ۇلىنا قاتىستى زاڭسىز ەرەكەتتەردٸ تەرگەۋ جۇمىستارىنا ٶزٸنٸڭ اناسى كەدەرگٸ كەلتٸرٸپ جٷرگەنٸن مەلٸمدەدٸ, – دەپ حابارلايدى Polisia.kz.
"الماتى قالاسىنىڭ پوليتسييا دەپارتامەنتٸ قر قك-نٸڭ 121-بابىنىڭ 4-بٶلٸگٸنە سەيكەس قالا تۇرعىنىنىڭ ۇلىنا قاتىستى جاسالعان سەكسۋالدىق سيپاتتاعى زورلىق-زومبىلىق ەرەكەتتەرٸ تۋرالى ٶتٸنٸشٸ بويىنشا تەرگەۋدٸ جالعاستىرىپ جاتىر.
14 قىركٷيەكتە ەيەل پوليتسيياعا حابارلاسىپ, الماتى قالاسىنداعى حالىقارالىق مەكتەپتە بەلگٸسٸز بٸر ادامنىڭ بالاسىن قورلاعانى تۋرالى حابارلادى. سول كٷنٸ تەرگەۋشٸ وسى دەرەك بويىنشا سوت-مەديتسينالىق ساراپتاما تاعايىنداۋ تۋرالى قاۋلى شىعارىپ, قىلمىستىق ٸس قوزعادى.
كەلەسٸ كٷنٸ بالانى ساراپشىلار كوميسسيياسى قارادى. قاراۋ كەزٸندە قانداي دا بٸر زاقىم, سونىڭ ٸشٸندە زورلىق-زومبىلىق ٸزدەرٸ تابىلماعان. سونىمەن قاتار كوميسسييا ارنايى مەديتسينالىق جابدىقتارى بار پروكتولوگييا سالاسىنداعى ماماندى وسى ٸسكە تارتۋ تۋرالى ۇسىنىمحات بەردٸ.
الايدا اناسى جەكە كلينيكانىڭ پروكتولوگ-مامانىنا ٶز بەتٸنشە جٷگٸنٸپ, كەيٸننەن ساراپتامادان ٶتۋدەن باس تارتتى. تەرگەۋ شەڭبەرٸندە مەكتەپتٸڭ ٸشٸندە جەنە اينالاسىندا ورناتىلعان بەينەباقىلاۋ كامەرالارىنان جازبالار الىندى" - دەلٸنگەن حابارلامادا.
وسى جازبالارعا سەيكەس, 11-14 قىركٷيەك ارالىعىندا بالانىڭ مەكتەپ دەرەتحاناسىنا 57 رەت بارعانى انىقتالدى, ولاردىڭ ەرقايسىسى 2-3 مينۋتقا سوزىلعان. ونىمەن بٸر مەزگٸلدە باسقا ادامداردىڭ دەرەتحاناعا بارعانى كامەراعا تٸركەلمەگەن.
"جاۋاپ الۋعا قاتىسقان مەكتەپ قىزمەتكەرلەرٸ مەن سىنىپتاستارى بالاعا قاتىستى قانداي دا بٸر قىسىم مەن زورلىق-زومبىلىق جاسالعانىن جوققا شىعارادى.
ٸس بويىنشا سوت-بيولوگييالىق جەنە مولەكۋلالىق-گەنومدىق ساراپتامالار جٷرگٸزٸلدٸ. ساراپتاما قورىتىندىلارىنا سەيكەس بالانىڭ ٸش كيٸمٸ مەن شالبارىندا تەك ٶزٸنە عانا تيەسٸلٸ بيوماتەريالدار تابىلدى. باسقا ٸزدەر تابىلعان جوق" - دەلٸنگەن حابارلامادا.
بۇل رەتتە, ٶتٸنٸش بەرۋشٸ ساراپتامالاردىڭ قورىتىندىلارىمەن كەلٸسپەي, ٶز ادۆوكاتتارىمەن تەۋەلسٸز مامانداردى ۇسىنۋ تۋرالى ٶتٸنٸش بٸلدٸرگەن. الايدا وسى ۋاقىتقا دەيٸن ولار مۇنداي مامانداردى ۇسىنباعان.
"بۇل قوسىمشا ساراپتامالاردى تاعايىنداۋعا كەدەرگٸ كەلتٸرەدٸ.
سونىمەن قاتار ٶتٸنٸش بەرۋشٸ بٸرنەشە رەت حاباردار بولا تۇرا, پسيحولوگتىڭ قاتىسۋىمەن ۇلىنان جاۋاپ الۋعا ٷزٸلدٸ-كەسٸلدٸ باس تارتىپ وتىر. وسىعان بايلانىستى ٸس بويىنشا ماڭىزدى تەرگەۋ ەرەكەتتەرٸن جٷرگٸزۋ مٷمكٸن بولماي وتىر.
ٶتٸنٸش بەرۋشٸنٸڭ وسىنداي كەدەرگٸلەرٸنە قاراماستان, تەرگەۋ جالعاسىپ جاتىر. قىلمىستىق ٸس بويىنشا شەشٸم قىلمىستىق پروتسەستٸڭ ٷش بۋىندى مودەلٸ شەڭبەرٸندە قاداعالاۋ ورگانىمەن كەلٸسٸم بويىنشا قابىلداناتىن بولادى" - دەلٸنگەن حابارلامادا.
