Foto: Polisia.kz
Politsiia adam aǵzasyn satýdyń jolyn kesti, – dep habarlaidy "Ult aqparat" Polisia.kz portalyna silteme jasap.
Qazaqstandyq óziniń búiregin 18 myń AQSh dollaryna baǵalap, kezdeisoq satyp alýshyǵa internet arqyly satýǵa tyrysqan.
"Avtor jeli qoldanýshylaryna óz múshesin satýdy usyndy, al alý operatsiiasy týraly barlyq kelisimdi qabyldaýshy uiymdastyrýy kerek edi.
Tanymal áleýmettik jelidegi erekshe habarlandyrýǵa Aqmola oblysynyń PD uiymdasqan qylmysqa qarsy kúres basqarmasynyń qyzmetkerleri nazar aýdaryp, donormen bailanysqa shyqty. Birneshe apta boiy politseiler arnaiy jedel-izdestirý is-sharalaryn júrgizdi, nátijesinde transplantatsiia jasaý jáne aqsha qarajatyn berý týraly mámile jasaldy.
UQQKB qyzmetkerleri kúdiktini Kókshetaý qalasynda aqsha berý kezinde ustady" - delingen habarlamada.
Alǵashqy tergeý áreketteri aiasynda politseiler er adamnyń Aqtóbe qalasynyń týmasy, biraq elordada turatynyn anyqtaǵan. Qatysýshynyń ózi mundai sharasyz qadam úshin oiynǵa táýeldilikten jinaqtalǵan kóptegen qaryzǵa bailanysty sheshim qabyldaǵanyn túsindirgen.
Bul fakti boiynsha tergeý júrgizilip jatyr.
