Qoǵamdyq tártipti saqtaý men aýqymdy aldyn alý sharalaryna bailanysty, ishki ister organdarynyń qyzmetkerlerine ýaqytsha shekteý engizildi, dep habarlaidy "Ult aqparat".
Bul týraly QR Ishki ister ministri Erlan Turǵymbaev aityp berdi.
«Ishki ister organdarynyń qyzmetkerlerine eńbek demalysyn berýge, qyzmet babynan tys saparlaýǵa tyiym salyndy. Qyzmettik issaparlar shekteldi. Azamattyq qorǵaýdyń barlyq bólimsheleri TJ rejimine aýystyryldy. Halyqqa habar berý júiesi ázirlendi», - dedi ministr «Habar 24» telearnasyndaǵy úndeýde.
Sonymen birge, ministr naýqastardyń karantinnen qashý oqiǵasy tirkelgenin baiandady.
«Ókinishke qarai, karantinnen qashý nemese koronavirýs juqtyrǵandardyń kimmen bailanysta bolǵanyn aitýdan bas tartý oqiǵalary boldy. Bul adamdarǵa qatysty qoldanystaǵy zańnamaǵa sáikes sharalar qabyldanýda. Munyń barlyǵy azamattarymyzdyń ómiri men densaýlyǵyn saqtaý úshin jasalyp jatyr», - dedi E. Turǵymbaev.
Buǵan deiin vedomstvo basshysy 8 myńnan astam politseidiń qoǵamdyq tártipti saqtaýǵa atsatylysyp jatqanyn jetkizgen edi.
Aita keteiik, Qazaqstanda koronavirýs infektsiiasyn juqtyrǵandardyń sany 33-ge jetti: Almatyda – 15 adam, elordada – 18 adam.
19 naýryzdan bastap Nur-Sultan jáne Almaty qalalarynda karantin rejimi engiziledi.
