Almatylyq politseiler biikten sekirmek bolǵan adamdy qalai qutqarǵany týraly aityp berdi, dep habarlaidy "Ult aqparat".
Dúken qyzmetkerine ǵashyq bolǵan 21 jastaǵy jigit qyzdan «joq» degen jaýap alǵan soń ǵimarattyń tóbesine shyǵyp, qulap ólmek bolǵan.
«Keshke saǵat 8-der shamasynda er adam shatyrdan sekirmek bolyp jatyr degen habar keldi. Oqiǵa ornyna kelsek, adamdar kóp jinalyp qalypty. Sondyqtan biz esh oilanbastan batyl áreket etý úshin, eki jaqtan tóbege kóterildi», – dedi qalalyq patrýldik politsiia polkiniń inspektory Abylaihan Oqas.
Al taǵy bir politsei Ádilbek Óteuly: «Meniń áriptesterim baspaldaqpen ketti, men jarnama taqtasy arqyly kóterile bastadym. Sekirmek bolǵan adam menen alys emes edi», – dedi.
«Osy ýaqytta men baspaldaqqa júgirip baryp, joǵaryǵa kóterildim. Aldymen men er adamnyń nazaryn aýdartyp, bulai jasamaýyn ótine bastadym. Biraq men jaqyndaǵan saiyn jigit odan ári sekirýge áreket jasai bastady. Sol sátte shyǵys jaqtan kelgen áriptesim ony ustap alyp, shatyrǵa qaita tartty», – dedi Almaty qalalyq PD qyzmetkeri Aqbergen Tólegenov.
