Shymkent qalasynda karantin talaptaryn buzǵan meiramhana anyqtaldy. Politseiler 250 adam qatysqan úilený toiyn qalai toqtatqanyn kórsetti, dep habarlaidy "Ult aqparat" Polisia.kz saityna silteme jasap.
Resmi málimetke sáikes, ótken jeksenbi, 20 maýsym kúni keshki ýaqytta “HAYAT” meiramhanasynda úilený toiy uiymdastyrylǵan. Toi iesi karantindik shekteýlerge qaramastan, qonaqqa 250 adamdy shaqyrǵan. Al, meiramhana qyzmetkerleri men daiarshylary betperdesiz qyzmet kórsetip júrgen.
Politseiler toihana iesi men toi ótkizgen adamnan túsinikteme aldy. Barlyq material taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy. Sanitarlar ákimshilik quqyq buzýshylyq týraly kodekstiń 425-baby (Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý) boiynsha tiisti shara qoldanady.
Aita keteiik, zań boiynsha jeke tulǵalarǵa 30 ailyq eseptik kórsetkish (87 510 teńge), al shaǵyn jáne orta kásipkerlik nysandarǵa 230-310 ailyq eseptik kórsetkish (670 910 – 904 270 teńge) kóleminde aiyppul salynady.
