Qazaqstanda politsei men prokýrorǵa qatysty Integrity Check parasattylyqqa tekserý institýty engizilmek. Bul týraly búgin QR Sybailas jemqorlyqqa qarsy is-qimyl agenttiginiń alqa májilisinde vedomstvo basshysy Alik Shpekbaev aitty, dep habarlaidy QazAqparat.
Onyń aitýynsha, quqyq qorǵaý men baqylaý-qadaǵalaý organdarynyń qyzmetkerlerine qatysty Integrity Check parasattylyqqa tekserý institýtyn engizý kózdelip otyr. Bul sheneýniktiń sybailas jemqorlyqqa beiimdiligin anyqtaýǵa baǵyttalǵan aldyn-alý sharasy, qarapaiym qural.
Ony agenttik, sondai-aq quqyq qorǵaý organdarynyń jeke qaýipsizdik qurylymdary erekshe óndiris jáne sottyń qatań sanktsiiasymen júzege asyrady.
«Parasattylyqqa tekserýden ótpegen, naqtyraq aitqanda materialdyq nemese ózge de paida men artyqshylyqtardy alýǵa kelisim bergen tulǵa qylmystyq qýdalaýsyz jumystan shyǵarylady. Mundai tájiribe Eýropa elderi men AQSh-ta qoldanylady. Agenttik osy quqyqtyq normalardy ázirledi jáne zańnamalyq pysyqtaýǵa ázir», - dedi ol.
Agent tóraǵasynyń dereginshe, bul bastamany barlyq memlekettik organdar qoldaǵan jáne taiaý arada Úkimettiń tiisti qaýlysyna ózgertýler engiziletin bolady.
