Aqmola oblysy Esil qalasynda kólikten eki er adamnyń máiiti tabyldy, dep habarlaidy EL.kz aqparat agenttigi.
Esil aýdany ákimdik ókilderiniń habarlaýynsha 5 naýryzda tańǵy saǵat 07.45-te Esil aýdandyq politsiia bóliminiń kezekshi bólimine qala turǵynynan kólik jýý ornynda kólikte eki adamnyń máiiti jatqany habarlama túsken. Oqiǵa ornyna jetken tártip saqshylary shyn máninde Audi A6 kóliginen qaitys bolǵan eki er adamdy tapty. Olardyń biri 27 jastaǵy politsiia qyzmetkeri bolsa, ekinshisi (28 jasta) onyń dosy ekeni málim boldy.
Zorlyq-zombylyq belgileri tabylmady. Qazir oqiǵanyń mán-jaiy anyqtaly jatyr.
