Elordalyq politsiia qyzmetkeri eki balasymen kósheda qalǵan áieldiń páteraqysyn tólep berdi, dep habarlaidy "Ult aqparat".
28 jastaǵy áieldi kezekti daý-damaidan keiin joldasy 4 jasar qyzy men 4 ailyq ulymen qosa úiden qýyp shyqqan. Qalada ne týysy, ne tanysy joq áiel ýchaskelik politsiia inspektorynan kómek suraǵan.
«Saryarqa» aýdanyndaǵy politsiia basqarmasynyń ýchaskelik politsiiasy Talǵat Isataev óz qarajatyna qonaqúidiń bólmesin jaldap, áieldi eki balasymen birge sol jerge ornalastyrǵan. Ýchaskelik politsiia áielge kómekteskennen keiin onyń jubaiymen profilaktikalyq suhbat júrgizgen. Onyń jol kórsetýimen 32 jastaǵy er adam ishimdikke táýeldilikten emdelip, jumysqa ornalasqan. Qazirgi ýaqytta atalǵan otbasy bir shańyraq astynda turyp jatyr jáne ýaqytyly kómek kórsetkeni úshin politsiia qyzmetkerine alǵys aitty.
Talǵat Isataev Nur-Sultan qalasy Politsiia departamenti «Saryarqa» politsiia basqarmasyndaǵy N27 jergilikti politsiia bóliminiń ýchaskelik politsiiasy. Ol ishki ister organdarynda 2014 jyldan beri qyzmet etip keledi.
