ەلوردالىق پوليتسييا قىزمەتكەرٸ ەكٸ بالاسىمەن كٶشەدا قالعان ەيەلدٸڭ پەتەراقىسىن تٶلەپ بەردٸ, دەپ حابارلايدى "ۇلت اقپارات".
28 جاستاعى ەيەلدٸ كەزەكتٸ داۋ-دامايدان كەيٸن جولداسى 4 جاسار قىزى مەن 4 ايلىق ۇلىمەن قوسا ٷيدەن قۋىپ شىققان. قالادا نە تۋىسى, نە تانىسى جوق ەيەل ۋچاسكەلٸك پوليتسييا ينسپەكتورىنان كٶمەك سۇراعان.
«سارىارقا» اۋدانىنداعى پوليتسييا باسقارماسىنىڭ ۋچاسكەلٸك پوليتسيياسى تالعات يساتاەۆ ٶز قاراجاتىنا قوناقٷيدٸڭ بٶلمەسٸن جالداپ, ەيەلدٸ ەكٸ بالاسىمەن بٸرگە سول جەرگە ورنالاستىرعان. ۋچاسكەلٸك پوليتسييا ەيەلگە كٶمەكتەسكەننەن كەيٸن ونىڭ جۇبايىمەن پروفيلاكتيكالىق سۇحبات جٷرگٸزگەن. ونىڭ جول كٶرسەتۋٸمەن 32 جاستاعى ەر ادام ٸشٸمدٸككە تەۋەلدٸلٸكتەن ەمدەلٸپ, جۇمىسقا ورنالاسقان. قازٸرگٸ ۋاقىتتا اتالعان وتباسى بٸر شاڭىراق استىندا تۇرىپ جاتىر جەنە ۋاقىتىلى كٶمەك كٶرسەتكەنٸ ٷشٸن پوليتسييا قىزمەتكەرٸنە العىس ايتتى.
تالعات يساتاەۆ نۇر-سۇلتان قالاسى پوليتسييا دەپارتامەنتٸ «سارىارقا» پوليتسييا باسقارماسىنداعى N27 جەرگٸلٸكتٸ پوليتسييا بٶلٸمٸنٸڭ ۋچاسكەلٸك پوليتسيياسى. ول ٸشكٸ ٸستەر ورگاندارىندا 2014 جىلدان بەرٸ قىزمەت ەتٸپ كەلەدٸ.
